Monday, November 9, 2015

বিভিন্ন প্ৰকাৰৰ নাস্তিক

শেহতীয়াকৈ প্ৰকাশ পোৱা লোকপিয়লৰ প্ৰতিবেদনৰ মতে ২৮.৭ লাখ ভাৰতীয়ই কোনো "ধৰ্ম"ত বিশ্বাস নকৰে৷ বিস্ময়জনকভাৱে ইয়াৰ সৰহ সংখ্যক গাৱলীয়া অঞ্চলৰ৷ যিকি নহওক, ১২০ কৌটি ভাৰতীয়ৰ মাজত ই এটা অতি নগণ্য সংখ্যা যদিও, ই এটি গুৰুত্বপূৰ্ণ তথ্য৷ ধৰ্মান্ধ আৰু গোড়ামীৰে ভৰা ভাৰতবৰ্ষত অন্ততঃ কেতবোৰ লোক আছে যি লোকপিয়লত কোনো ধৰ্মত বিশ্বাস নকৰোঁ বুলি সৎ সাহস গোটাব পাৰিলে৷ মোৰ বিশ্বাস প্ৰকৃততে ভাৰতত ইয়াতকৈ বহু অধিক সংখ্যক ধৰ্মত বিশ্বাস নকৰা ব্যক্তি আছে। তেওঁলোকে হয়তো এই কথা প্ৰকাশ নকৰে, লোকপিয়লত উল্লেখ কৰাটোতো বহু দূৰৰ কথা৷

"কোনো ধৰ্মত বিশ্বাস নকৰা"ৰ বহু কেইটা অৰ্থ হ'ব পাৰে। নাস্তিক, যুক্তিবাদী, সন্দেহবাদী, মুক্তচিন্তী আদি বিভিন্ন চিন্তাধাৰা বিশ্বাসী লোক ইয়াৰ অন্তৰ্ভূক্ত হ'ব পাৰে।

১) নাস্তিক (Atheist) সকলে "ঈশ্বৰ" বুলি কোনো শক্তি আছে বুলি একেবাৰে বিশ্বাস নকৰে।
২) যুক্তিবাদী (Rationalist) আৰু অজ্ঞেয়বাদী (Agnosticism) সকলে "ঈশ্বৰ আছে নে নাই নাজানোঁ‌" বুলি কোৱাটোৱেই আটাইতকৈ যুক্তিসংগত বক্তব্য বুলি ভাৱে। 
৩) মুক্তচিন্তী (Free Thinker) ঈশ্বৰক বিশ্বাস কৰিবও পাৰে, নকৰিবও পাৰে, কিন্তু কোনো নিৰ্দিষ্ট "ধৰ্ম" মানি নচলে। যি সকলো আধ্যাত্মিক চিন্তা ব্যক্তিগত বুলি গ্ৰহণ কৰে। অৰ্থাৎ যাৰ যেনেকৈ ঈচ্চা তেনেকৈ মুক্তভাৱে বাস্তৱৰ ধাৰণা কৰি ল'ব পৰাৰ অধিকাৰ আছে বুলি যুক্তি দিয়ে।
৪) ধৰ্মীয় সন্দেহবাদী (Religious Skeptic) সকলে ঈশ্বৰৰ অস্থিত্বক সন্দেহৰ চকুৰে চাই, কিন্তু নাস্তিকসকলৰ দৰে একে উশাহে নাকচো নকৰে৷ 


উৎস: http://timesofindia.indiatimes.com/india/2-87-million-Indians-have-no-faith-census-reveals-for-first-time/articleshow/48689278.cms

No comments:

Post a Comment